Never Loose
Jab Jindagi karne lage Nirash, kuch aisi hi mahsoos hoti hai jindagi.. But we never give up, we fight till the end its how man has survived till now..
----------------------------------------------------------
Jindagi mein kuch aise pal bhi aate hain
Khushiyan paas na hoti hain
aur har gam ham pe muskurati hai
Wo apne se chehre bhi bhi kyo anjane se lagte hain
ham toh ab khud se hi begane begane rahte hain
Har subah ummid kinare pe hoti hai
har shaam ruswai ka aalam hota hai
Ho adheer dil ye rota hai
Shyad jeene ki chah sanjota(collect) hai
Swayam-glani ban dawanal(forest fire)
Mujhko jalane aati hai,
Kyo kaatar(humble) se is komal man pe
Wo kathor prahar kar jati hai
Ho adheer ban balak
main aankhen band kar leta hoon
In band aankho ke peeche main
samarthya shoonya mein dhoondhta hoon
Hai manuj tu, sahas hai tujh mein,
swyam-prabha khud jalti tujh mein
Phir kyo adheer tu hota hai
Is dawanal mein jalta hai
Laa sindhu ki sheetal-ta khud mein,
ban shail adig ho ja tu ran(war) mein,
Arpan(devote) kar jo kuch hai tujh mein,
Tab dekh kaal bhi ghabrayega,
Vijay tilak se darpit mastak
Duniya ko raah dikhayega
------------------------------------------------------------
posted by Baadal @ 6:48 AM
1 comments
1 Comments:
Ek hara hua, infact toota hua banda, jise jindagi ne kuch aisa toda hai khud ko balak batana chah raha hai.. Ek balak toh hamesha kisi na kisi ki chawn ke tale hi bada hota hai na!! Wah usi chawn ki talash mein hai aur use wo nahi mil pa rahi hai.. Tabhi toh wo apni aankhe band kar ek murkh ki tarah apni shakti aisi jagah talash raha hai jo exist hi nahi karti..
Shyad ab tatparya samajh mein aa gaya hoga.. Kavita ka pahla ansh vednao se bhara hai, jis mein manushya ki haar hoti batai ja rahi hai, wahi doosra ansh use prabal bana raha hai, use jagrit kar raha hai.. Aakhir shari shaktiyan toh usi bande mein samahit hain na :)
Post a Comment
<< Home