Nanhi

This poem is for my very sweet&cute cousin, her name is Nanhi and she is just like her name.. Choti si pyari si Gudia :)
--------------------------------------------------------------


thaam angootha usne mera
seekha tha pairon pe chalna
baar baar tutla-kar uska
mitthoo ko miththoo kah dena
(pronounce it like 'th' in 'hathi' :D )

khel khel mein uska chip jana
dhoondh lene par gale se lipat jana
uski vichitra shabdon ki paribhasha
jaise khud rachti nijbhasha
us bhasha ke shabd nirale
khol dete har dil ke tale



wo kahti " miththoo bhaiya oo ooo "
(pronounce it like 'u' in 'uma')
Ohh meri nigahon ne kya kya na dhoondha
thak haar phir maine poocha "kaun oo"
ohh!!! nanhe hathon se bajati tali
wo boli "udd gaya"
(pronounce it like 'd' in 'daroo')
Ohh O' kaua(crow) ur gaya!!!

sab se manmohak uski wo hasi thi
kalpnao se khoobsurat, indradhanushi rango se saji thi
naam hamne rakha tha Nanhi, wo kahti thi ise 'tanni'

babu aapka naam kya hai--- tanni
aapke papa ka kya naam hai----tunil baranwal
(pronounce it like 't' in 'tarkeeb')

sach ye bacche kitne pyare hote hain
dil ke bhole, bare saral.. ekdam nirale hote hain

Kaash kahi main uski jagah hota
utna hi mridul aur nishchal hota
phir kandhe par chad papa ke
deta main duniya ko chunauti

duniya mein phir dwesh na rahta
hamse khoobsurat koi pariwesh na milta
mere ssnidhya mein karuna palti
har muskurahat pe vijay hi toh milti

mere rone pe maa pita ji vichlit ho jate
paas aa seene laga lete
mujhe puchkaarte mujhe sahlate
chaand dikha loriyan bhi toh sunate

sachmuch kitna anupam hota hai ye bacchon ka sansaar
har koi paa leta hai itna sara pyar dular :)

--------------------------------------------------------------